ماهى بالعقل كدة - غرائب البنى ادمين اللى حوالينا عايشين

العلاقات بقت غريبه جدا ...مافيش حاجه بقت مفهومه

 

حتى المشاعر بقى ليها مقاييس غريبه 

يعنى مشاعر الابوه بقت ببتقاس بصرف الاب على ابنه مش بقد ايه هو بيحبه

ومشاعر الامومه بقت بتتلخص بالحاجت اللى الام بتوفرها لاولادها 

الاحساس بقت معدوم القيمه عند الناس .. يعنى الطيب بقى ليه اسم تانى .. زى عبيط ... ساذج.. المهم ان طيب دى .. مش موجودة فى اقاموس 

وكان الطبيعى ان لما تتكلم عن واحد طيب بيتقال عليه عبيط وساذج.. انه يحاول يغير من نفسه عشان يواكب العصر وتطلعاته .. يعنى لازم يبقى مدردح وصايع .. ولا زم يبقى حويط ..\

عشان الطيب بقى محل سخريه وامتهان من الناس 

كمان العلاقات فى الاسره الواحده بقت حاجه مختلفه يعنى تدور على عيله مترابطه او متماسكه ماتلاقيش 

الا من رحم ربى .. عشان كدة .. كله بقى همه ازاى يظهر ويبان على حساب الباقيين .. والمنافسه بقت على اوجها .. لما تلاقى الاخوات فى العيله الواحده بيتنافسو مين ابنه احسن من ابن التانى .. اهو مين بيقدر يجيب حاجات لعياله اغلى عشان يتمنظر بيها فى وسط العيله .. واللى زاد وغطى .. ان الابهات والامهات دول بقوا يعلموا عيالم حاجات من دى .. زى بص يا حبيبى لما تشوف ابن خالتوا ابقى وريله اللعبهخ اللى بابا جابهالك ... الغاليه الحلوه دى ... فبترسخ جوه العيل فكره ان الحاجه بقيمتها الماديه بذمتك 

بعد كل دة ... المجتمع هايبقى فى ناس عامله ازاى