- حكايات بابا ودودو
الحلقه الثانيه - الصداقه
- لو عاوزين تشوفوا الحلقه كارتون وانيميشن زورزنا فى قناه اليوتيوب من هنا
المشهد 1
ادم يجلس فى
الفصل والمدرسه تشرح
المدرسه : وبكدة نكون خلصنا درس
النهارده . وكل واحد يكتب فى البيت موضوع يتكلم فيه عن حاجه ... ونتقابل الحصه
الجايه وكل واحد يقول كتب ايه وليه... حد عنده سؤال؟
ادم : ايوه يا ميس بعد اذنك ....
المدرسه : اتفضل يا ادم.. اسال
ادم : اكتب عن اى حاجه .. زى ايه
المدرسه: اى
حاجه تشغل تفكيرك يا ادم .. اكتب اللى بيدور فى راسك ... عبر عن نفسك... ايه
اسئله؟
المدرسه : اشوفكم الحصه الجايه
المشهد 2
يجلس ادم وحيدا مفكرا
يدخل عليه صديقاه امير وتامر
امير:
ايه ادم انت فين ... كنا بندور عليك
ادم : بتدوروا عليا انا ... ليه فى ايه؟
تامر: اصل انت بقالك فتره من ساعه ما
صاحبك اسر اتنقل من المدرسه وات بتقعد لوحدك ..
ادم : اصل انا و اسر صحاب من واحنا صغيرين ... كان اقرب صاحب ليا .. كنا
بنلعب على طول مع بعض ... حتى بابايا وباباه طول عمرهم اصحاب ...
امير: طب هو ليه اتنقل من المدرسه؟
ادم : بابا اسر جاله شغل بره مصر ..
وسافروا كلهم معاه .. عشان كدة انا حاسس انى ماليش اصحاب
تامر: ليه تقول كدة ... احنا ممكن نبقى
صحابك ... وتبقى على طول معانا
ادم : لا مش هاينفع .. انتوا دايما
بتعملوا مشاكل مع الميس ..وبتضايقوا الولاد التانيين ... ومش بتعملوا اللى الميس
بتقول عليه ... .. والحاجات دى كلها بابا قال لى انها غلط
امير: لا دة باباك قالك كدة بس .. عشان
مايعرفناش ... احنا مش بنعمل حاجات وحشه يا ادم.. احنا بس بنتسلى ونضحك
ادم : تضحكوا؟؟...وتتسلوا ازاى؟؟
تامر: ايوه طبعا ... انت بتشوف شكل الميس
وهى متعصبه شكلها بيخلينا نضحك.... ولما كمان نعمل مقالب فى الولاد ... الموضوع
بيبقى مضحك جدا
ادم: لا لا لا ... انا مش بحب اعمل كدة
... انا بحب الميس تقول عليا شاطر ومجتهد وذكى... والميس بتقول انكوا مش شاطرين
امير: هى بتقول كده بس عشان بتزعل من
هزارنا .. لكن احنا بس بنهزر معاها
ادم : لا لا لا
... انتوا كلامكوا مش صح..انا هاقوم اروح الفصل
|
المشهد 3 والد ادم يجلس على جهاز الكمبيوتر
الخاص به ادم يدخل عليه الغرف ادم : انت مشغول يابابا؟..... الاب : اه يا دودو ... عاوز حاجه ؟ ادم : اه عاوز احكيلك حاجه بس لما
تكون فاضى لاب : قول يا دودو ... انا سامعك ادم : النهارده كنت قاعد مع صحابى فى
المدرسه .. تامر وامير .. وكانوا عاوزنى اكون صاحبهم الاب : طب وايه المشكله ادم : اصل هما مش زى اسر صاحبى .. هما بيعملوا حاجات مش كويسه بس
بيقولوا انهم بيهزوا وان دى حاجات بتضحك ادم: هما يابابا كدة .. يبقوا كويسين
ولا وحشين |
الاب : يووه
مكالمات الشغل دى مش بتخلص ابدا
المشهد 4
الام تجلس فى غرفه المعيشه
تتصفح الموبايل
ادم يدخل عليها
ادم : ماما .. ياماما.... هو اسر مش هاريجع تانى المدرسه
الام : لا يا ادم .. اسر سافر مع باباه
ومامته .. عشان شغل باباه اتقل بره مصر ... وكان لازم ياخد اسرته معاه
ادم : طيب واحنا ماينفعش نسافر لهم؟
الام: لا يا حبيبى ... بابا شغله هنا فى
مصر ...لو شغله اتنقل .. ممكن وقتها نسافر معاه
ادم : يارب يابابا شغلك يتنقل بره مصر
عند بابا اسر .. يارب
الام : ياااه للدرجادى وحشك اسر ... دة
لسه مسافر من اسبوع...
ادم : اصل مش بلاقى حد العب معاه فى
المدرسه .. ماليش اصحاب
الام: ليه ياحبيبى .. الولاد كتير فى
المدرسه ممكن تصاحبهم وتلعب معاهم عادى جدا
ادم : اصل الولاد التانيين مش زى اسر
... اسر مش بيهزر الهزار بتاعهم الوحش دة
الام: مش كل الناس زى بعض يا ادم ..كل
واحد وليه شخصيه مختلفه
انت بس العب
معاهم بدل ماتقعد لوحدك ... وقوم شوف مذكرتك
ادم : بس ياماما .. اصل الولاد دول
بيعماوا
الام : خلاص يا ادم
خلينا فى المذاكره وصاحب اللى انت عاوزه واللى مش عاجبك ماتصاحبوش ..وسيبنى بقى
اخلص اللى فى ايديى
المدرسه : انا عارفه مين اللى بيعمل الاصوات
دى .. اتفضل اخرج بره يا تامر انت وامير
تامر: مش انا يا ميس ... دة امير
امير: ياسلام .. مانت بتعمل
برضه
المدرسه : انتوا
الاثنين ... مش هاتحضروا معايا ال الحصه.. اتفضلو
المشهد 5
جرس الحصه
يدق
المدرسه
تلملم اوراقها
تخرج
يخرج
التلاميذ من الفيل
وراءهم ادم
تامر: ادم ... يا ادم .... مش هاتيجى تلعب معانا
ادم : لا طبعا ... انتوا مش كفايه ان الميش خرجتكوا من الفصل .. انتوا مش زعلانين
امير: زعلانين ايه يابنى.. احنا عملنا كدة اصلا عشان نخرج من الفصل ... اما
حكايه ... احنا بنلعب من اول ماخرجنا من
الفصل لغايه دلوقت ...لعبنا كتييير ... وحوش المدرسه فاضى علينا واحنا بنلعب فى كل
مكان
تامر: بقو لك ايه انت الحصه الجايه .. لازم تقعد معانا فى الفصل عشان نخرج احنا
الثلاثه سوا نلعب كتير
ادم : بس احنا كدة مش هانعرف الميس
شرحت ايه فى الفصل
امير: ياعم كله موجود فى الكتاب ..نبقى نذاكر فى التاب لما نرجع البيت
بس اللعب جميل
المشهد 6
ادم يتركهم
امير يوشوش
تامر
امبر: انت عايزه معانا فى ايه .. ماحنا بنلعب لوحدنا فى الفصل وبراحتنا خالص ..
مش محتاجينه
تامر: انا مش عاوزه يلعب معانا .. بس انا عايزه يبقى زينا عشان ماما كل شويه
بتقول لبابا .. ادم ابن احمد جمال اشطر من ابنك.. وكل شويه تقول لى فى البيت ذاكر
عشن تبقى زى ادم...انا زهقت لما ادم يبقى زيينا ماما مش هاتقعد تقولى زاكر زيه
امير.:. طب ماهو فى ولاد تانيه فى الفصل زى ادم بيحبوا المذاكره برضه
تامر : اه بس امى
ماتعرفهمش
المشهد 7
دم فى غرفته يذاكر
يدخل على
الدته يسالها
ادم : ماما .. عاوز اسالك سؤال ... الميس عاوزانا نكتب موضوع نعبر بيه عن اللى
جوانا ... اكتب ايه
الام : اكتب اى حاجه يا ادم ... هو ده عليه درجات؟
ادم : لا....بس الميس بتقول انه مهم
الام : خلاص شوف انت بتفكر فى ايه واكتبه
ادم : طب انا مش عارف افكر... قوليلى اعمل ايه؟
لام : انا كفايه عليا المذاكره يا ادم .. روح لبابا اساله
هو هايقول لك
المشهد 8
الاب منهمك
فى عمله على الكمبيوتر
ادم : بابا .. انت فاضى شويه ....؟
الاب : لا يا ادم .. زى مانت شايف كدة بخلص شغل ...
ادم : اصل ماما قالتلى اجى اسالك
الاب : طيب اسال بسرعه وانا هاجاوبك .. فى ايه؟
ادم: الميس عاوزانا نكتب موضوع عن اللى جوانا .. اكتب ايه .
الاب : بسيطه ياعم ادم .. اهى شرحا نفسها اهه... اكتب اللى جواك
ادم : بس انا مش عارف يعنى ايه اكتب اللى جوايا ... اسر كان بيعرف يكتب
الحاجات دى ...
الاب : خلاص ... سيبنى اخلص الشغل .. وبعدين نتكلم
ادم : طب انت هاتخلص امتى
الاب : يوه يا ادم .. هو فى شغل بيخلص
ادم : مندهش ( ايه ؟)
المشهد 9
ادم يجلس على الكمبيوتر
يتحدث الى نفسه
ادم : انا نفسى اعرف انت مش بترد عليا
ليه يا اسر ... انا بحاول اكلمك كتير وابعتلك على الواتس اب وانت مش بترد...
ادم : عارف الولاد ...اللى انت كنت
بتقول عليهم وحشين وكانوا بيضايقونا
ادم : دلوقتى عاوزنى اصاحبهم...
بيقولوا انهم مش قصدهم .. واحنا كنا
فاهمين غلط
هما بس بيحبوا يضحكوا ويتسلوا
انا قاعد لوحدى فى المدرسه كل يوم
حتى فى البيت قاعد لوحدى
بابا على طول بيشتغل
ماما على طول مسكه الموبايل ..او
مشغوله مع مالك اخويا
انا عاوز احكى لماما عن تامر وامير
واخد رايها اصاحبهم و لا
بس ماما وببا مش فاضيين خالص
وانت مش بترد عليا من ساعه
ماسافرت...
انا نفسى ترجع
المشهد 10
مدرسه
ادم يجلس فى الفناء
يقترب منه تامر وامير
تامر: ازيك يا ادم
ادم : الحمد لله
امير: بقولك ايه يا ادم ... انا بابا
جبلى امبرح مسدسات ميه ليا انا واخواتى .. انا جبتها معايا فى الشنطه... عشان نلعب
بيها مع بعض
ادم : يا سلام : ايوه كدة ...نلعب بيهم
اول ما ننزل البيرك
تامر: بريك ايه .. مش هانعرف نلعب فى
البريك .. المدرسه ملها بتبقى فى الحوش ... ومش هانعرف نلعب طبعا
امير: صح ..طبعا ... احنا لازم نطلع من
الفصل النهاردة
تامر: انت تقعد معانا فى الفصل ... وانا
وامير .. هانقلد صوات الحيوانات
والميس هاتزهق مننا ...تقوم مطلعانا
بره ..واحنا بقى ننزل نلعب براحتنا
ادم : بس انا مش عاوز اعمل كدة ... عشان
الميش هاتزعل منى ..
امير: لا خالص
الميس طيبه هى بتزعل مننا فى الحصه بس .. بس بعد كدة لما بتشوفنا يتهزر معانا عادى
المشهد 11
ادم يجلس فى اخر الصف مع تامر وامير
المدرسه تدخل
المدرسه تسال
المدرسه: ايد دة هو ادم احمد غايب النهارده
البنت:
لا يا ميس ... دة راح قعد ورا جنب تامر وامير
المدرسه : تامر وامير ...اللى بيعملوا
الاصوات كل مره ... هاخرجكوا بره
تامر : مش انا يا ميس
امير: مش انا كمان يا ميس
تامر وامير : دة ادم
ادم : لا لا مش انا ياميس صدقينى ... انا ماعملتش حاجه
المدرسه : تامر ... وامير يخرجوا على اوضه
المدير وانا جايه وراكم
وهاعمل لكوا استدعاء ولى مر ...
اما انت يا ادم
... تعالى اقعد مكانك هنا .. ولينا كلام بعد الحصه
المشهد 12
بعد الحصه فى فناء المدرسه
المدرسه : انت ليه يا ادم ...روحت قعدت ورا
مع تامر وامير
ادم : مافيش حاجه هما قالولى تعالى اقعد
معانا
المدرسه : طب م انت عارف انهم بيعملوا حاجات
غلط... ومش شاطرين وبيسمعوا الكلام
ادم : الحقيقه انا عارف انهم بيعملوا
حاجات غلط.. بسهما قالولى انهم مش بيقصدوا يعملوا حاجات غلط هما بس بيحبوا يضحكوا
المدرسه : طيب لو ات فى البيت عملت حاجه
وحشه تزعل ماما .. هاتضحك
ادم: لا طبعا... بس هما قالولى انهم مش
بيزعلوا حضرتك وانك بعد الحصه بتهزرى معاهم عادى
المدرسه :
لا طبعا هما بيضحكوا عليك ... انا بفضل زعلانه منهم بس باتكلم معاهم عشان اخليهم يبقوا شطار ..
ادم : انا اسف انا كنت فاكر نهم مش
بيعملوا حاجه غلط
المدرسه: بص يا ادم لو عاوز تعرف انت بتعمل
حاجه صح ولا غلط ...جرب تحكى الحاجه دى لبابا ولماما ...لو قدرت تقول لهم انك عملتها
... يبقى انت بتعمل حاجه صح
ولو خبيتها عنهم .. اعرف انها حاجه
غلط
المدرسه: بص يا ادم لو عاوز تعرف انت بتعمل
حاجه صح ولا غلط ...جرب تحكى الحاجه دى لبابا ولماما ...لو قدرت تقول لهم انك
عملتها ... يبقى انت بتعمل حاجه صح
ولو خبيتها عنهم .. اعرف انها حاجه
غلط
ادم : يعنى ايه:
المدرسه : يعنى لو كنت سمعت كمهم وعملت
الاصوات دى معاهم وانا خرجتك بره .. كنت هاتحكى لبابا او ماما عن اللى عملته
ادم : لا مش هاقدر...هايزعلوا منى
المدرسه: شوفت .. اديك عرفت لوحدك انها غلط
ادم : بس بابا وامام على طول مشغولين ..
ومش بيسمعونى ... ازاى هاحكيلهم اى حاجه؟
المدرسه :
طب بقولك ايه انا عندى فكره
وشوشوشوشوشو
المشهد 13
ادم يدخل البيت يسلم على والدته
ادم : ماما النهاردة الميس خلتنى اشترك فى حفله ةلازم تحضروها معايا
الام : حفله يه يا ادم
ادم:
حفله الميس عاملاها بمناسبه ان السنه قربت تخلص
الام : لما بابا
ييجى ونشوف الموضوع دة
المشهد 14
الاب يجلس يشاهد التلفاز
ادم يدخل عليه يعطيه ورقه
الاب: ايه دة يا ادم:
ادم : دى دعوه لحفله اشتركت فيها
الاب : من امتى بتعمل حفلات ياسى دودو
ادم : الميس
اقنعتنى
المشهد 15
ادم يجلس على المسرح فى انتظار والده
ووالدته
المدرسه تدخل عليه
المدرسه : مالك يا دودو
ادم : الحفله هاتبدأ ... وماما وبابا
شكلهم مش جايين ... انا مش عاوز اكمل الحفله دى
المدرسه : اصبر شويه
يادودو.... انشاء الله هاييجوا
المشهد 16
الام تركب السيارد مع الاب
لام : انت ناتعرفش حصل ايه يا احمد
الاب : علمى علمك انا كلمونى وقالولى
نيجى احنا اللى اتنين المدرسه بسرعه
الام : استر يارب
الاب : يارب
المشهد 17
الام والاب داخل مكتب المديره
الام : خير يا ميس ادم ماله
المدرسه : تعالوا
شوفوا ابنكوا
الام : وقعتى قلبنا فى ايه
المدرسه : تعالوا وانتى تعرفوا
المشهد 18
الاب والام يدخلان مسرح المدرسه
بفاجأوا بادم يتكلم امام المايكروفون
ينظروا باستغراب
ادم : رساله الى صديقى اسر
انت وحشتنى قوى يا اسر ... من ساعه
ما سافرت وانا حاسس انى بقيت لوحدى ... ماليش اصحاب غيرك من ساعه ما اتولدنا ...
كان نفسى اسافر معاك عشان نفضل مع
بعض .. كلمتك كتير وبعت لك رسايل وانت مش بترد..انا يا اسر فى المدرسه باقعد لوحدى
...فاكر الولاد اللى فى الفصل اللى انت قولتلى عليهم انهم وحشين... ومش شاطرين
وبيسمعوا الكلام..كانوا عاوزننى اصاحبهم...بيقولوا انهم مش قاصدين يبقوا وحشين ...
وبيقولوا انهم بيضحكوا ... احنا كمان كنا بنضحك بس من غير ما نضايق حد...
روحت اسال بابا هما صح ولا غلط
بس بابا مش فاضى يسمعنى... روحت اسال
ماما بس ماما على طول مشغوله ب مالك اخويا والموبايل
على فكره انا اللى باعتلك الرساله من
تليفون ماما على تليفون مامتك عشان ترد عليا .. وبرضه ما ردتش ...
انا زعلان منك وزعلان من بابا وزعلان
من ماما
ومش زعلان من الميس ندى ...
عشان لما سالتها ردت عيا وجاوبتنى
وهى اللى قالتلى ان الولاد دول مش
كويسين ومش شاطرين عشان الشاطر بس هو اللى بيسمع كلام الكبار وبيحترمهم .. واللى
مابيزعلش حد منه
انا عارف انك مش هاتسمعنى
بس الميس ندى قالتلى اعبر عن اللى
جوايا
مع السلامه يا اسر
تعليقات
إرسال تعليق
لو عجبتك حلقاتنا اكتبلنا كلمه حلوه تشجعنا